Жоба 10 гектар аумақта Қытай және Германия компанияларымен бірлесіп жүзеге асырылып жатқаны және оның жалпы құны 36 миллион доллар екені жайлы ақпарат берілді.
Қазіргі уақытта мұндағы құрылыс жұмыстары 90 пайызға аяқталды, жоба аясында 14,9 миллион доллар инвестиция жұмсалған.
2025 жылы Өзбекстан 15 миллион долларлық мыс құбырлар мен фитингтерді импорттады. Бұл кәсіпорын толық іске қосылғаннан кейін 10 миллион долларлық импорттың орынына жергілікті өнімдер шығарылады деп күтіліп отыр.
Кәсіпорында 300 жаңа жұмыс орны ашылған. Бюджетке 200 миллиард сум кіріс әкеледі және 350 миллион доллар экспорттайды. Өнім Біріккен Араб Әмірліктері, Америка Құрама Штаттары, Африка елдері және Еуропа елдеріне жеткізіледі.
Құрамында төрт өндірістік кәсіпорын бар «Infinity Copper Group» компаниясы Өзбекстандағы мыс құбырлары мен фитингтерін өндіруде көшбасшы кәсіпорын саналады.
Мемлекет басшысы елімізде мыс құбырлар мен фитингтер өндірісін одан әрі дамытудың, жоғары қосылған құны бар өнеркәсіп өнімдерінің үлесін арттырудың маңыздылығын атап өтті.
Мұндай заманауи, бәсекеге қабілетті кәсіпорындардың санын көбейту арқылы ішкі нарықтың қажеттіліктерін толық қанағаттандыру және экспорттық әлеуетті одан әрі кеңейту қажет екендігі айтылды.
