Оның 5 миллион доллары кәсіпкердің жеке қаражаты, тағы 5 миллион доллары банктік несие, қалған 40 миллион доллары тікелей шетелдік инвестициялар.
Кезең -кезеңмен жүзеге асатын және 2022 жылы аяқталатын жоба 350 -ден астам жаңа жұмыс орнын ашуға мүмкіндік береді. Зауыт толық қуатпен қосылғанда жылына 10 мың электромобиль шығаратын болады.
Кәсіпорын басшысының жобаның қазіргі жағдайы туралы айтуы бойынша, декабрьде жаңа зауыттан 4 жеңіл автокөлік пен 8 электромобиль сынақ режимінде шығады. Бір қызығы, бастапқы кезеңде гибридті электромобильдер (электр және бензин) шығарылады, онда бензин қозғалтқышы электр қуаты 20%-дан аз болғанда іске қосылады, ал электромобиль аккумуляторы бензинмен жұмыс кезінде зарядталады.
Қазіргі уақытта электромобильдерді құрастыру және сынақ цехы мен электрофорез және бояу цехы өндірістік үдерістерге дайын, ал электромобильдердің кузовын дәнекерлеу цехын ұйымдастыру үшін қосымша өндірістік алаң қажет.
Облыс басшысы, жауапты басшыларға механикалық зауыт аумағындағы бос жерлерден осы инвестициялық жобаны аяқтауға орын бөлуді тапсырды, деп хабарлайды Ферғана облыстық әкімшілігінің баспасөз қызметі.
