Бұл туралы CNN, Associated Press және Telegram арналары хабарлады.
Әлеуметтік желілерде оқиға орнынан қою түтін көтеріліп жатқанын көрсететін суреттер тарады. Қала билігі азаматтық қорғаныс қызметкерлері өртті сөндіру үшін белсенді жұмыс істеп жатқанын растады. Оқиға жарияланған кезде зардап шеккендер немесе қаза болғандар туралы ақпарат болған жоқ, дегенмен бұл шабуыл әлемдегі ең ірі көлік орталықтарының бірінің жұмысына тағы да қауіп төндірді.
Айта кету керек, осы әуежайға бір апта бұрын да Иран дрондары шабуыл жасап, төрт адам жараланып, ғимараттарға зақым келген еді, деп хабарлады korrespondent.net.
Біріккен Араб Әмірліктеріндегі осы оқиғамен қатар Сауд Арабиясы Қорғаныс министрлігі елдің шығыс аймағына ірі әуе шабуылы жасалғанын хабарлады. Сауд Арабиясының әуе қорғаныс күштері бір сағатқа жетпейтін уақытта Иран шекарасына жақын орналасқан стратегиялық мұнай нысандарына қауіп төндірген 25 дронды жойды. Қатты шабуылдарға қарамастан, Сауд Арабиясы үкіметі әзірге ешқандай шығын немесе құрбан туралы хабарламады.
Еске салайық, Dubai Creek Harbour ауданындағы Address Creek Harbour тұрғын үй зәулім ғимаратына дрон соғылған болатын. Алдын ала мәлімет бойынша, ұшқышсыз аппарат 66 қабатты ғимараттың 57-қабатына соғылып, оның сыртқы бөлігіне зақым келтірген. OSINT деректеріне сәйкес, бұл Иран-Ресей өндірген «Герань-2» ұшқышсыз ұшағы болған.
