30 маусым – Жастар күніне орай Ташкенттегі Олимпияда қалашығында осы мемлекеттік наградаларды табыстау салтанаты өтті.
Мемлекет басшысы ел жастарының әрқайсысында зор әлеует, талант пен қабілет бар екенін ерекше атап өтті.
– Сіздер кезінде ұлы жаңалықтарымен әлем өркениетінің дамуына өлшеусіз үлес қосқан, Бірінші және Екінші Ренессанстың «ақыл шырағына» айналған ұлы бабаларымыздың лайықты мұрагерлерісіздер. Әрине, мұрагер болу – тек мақтаныш емес, сонымен бірге үлкен жауапкершілік.
Ата-бабаларымыз адамзат өркениеті үшін қандай ұлы істер атқарса, сіздер де Жаңа Өзбекстанда жаңа жаңғыру дәуірі – Үшінші Ренессанстың берік іргетасын қалайтын күшке айналуларыңыз керек, – деді Шавкат Мирзиёев.
Осыдан кейін Мемлекет басшысы жастарға мемлекеттік наградаларды салтанатты түрде табыс етті.
– Бүкіл халқымыздың атынан бүгін мемлекеттік марапатқа ие болған жастарды тағы да шын жүректен құттықтаймын. Бұл жоғары марапат сіздерді жаңа жетістіктерге қанаттандырып, биік белестерге бастай берсін! Қатарларыңыз одан әрі көбейе берсін! – деді Өзбекстан басшысы.
Марапат иелері мемлекет тарапынан жастарға жасалып жатқан жан-жақты қолдау мен мүмкіндіктер үшін алғыс айтып, алдағы уақытта да өз білімдері, еңбектері және тың бастамаларымен Отанның өркендеуіне лайықты үлес қосуға дайын екендіктерін жеткізді.
