2021 жылдың аяғында бұл кәсіпорында есік-терезелерге арналған заманалық жалюзи шығару қолға алынса, биыл Evaks Fabric брендімен 3D форматында заманалық кілемдер шығару жобасы жүзеге асырылды.
Құны 1,5 млн доллар болған бұл жоба 1,15 миллион доллар кәсіпкердің жеке қаражаты және 350 000 доллар шетелдік банк несиесі есебінен жүзеге асырылды.
Жылдық қуаттылығы 150 мың шаршы метрді құрайтын кәсіпорында өндірілген өнім көршілес елдер мен Ресейге де экспортталуда. Бұл кәсіпорында 50-ден астам тұрақты жұмыс орны ашылды. Қызметкерлерге халықаралық стандарттарға сай еңбек жағдайлары жасалған.
Жоба жетекшісі Икболжон Мирахматовтың облыс әкіміне кәсіпорын қызметін дамыту үшін 700 мың доллар көлемінде банктен несие алуға көмектесу туралы өтініші оң шешімін тапты.
