Goldman Sachs мәліметінше, жаһандық мұнай қорының күрт азаюы және олардың сарқылу деңгейі Ормуз бұғазы арқылы тасымалданатын мұнай көлемінің шектеулілігіне байланысты алаңдаушылық туғызуда.
Әлемдегі ең ірі инвестициялық банктердің бірінің дерегіне сәйкес, жаһандық мұнай қоры қазіргі таңда небәрі 101 күндік тұтынуға жетеді.
Бұл көрсеткіш мамыр айының соңына қарай 98 күнге дейін төмендеуі мүмкін, деп хабарлады Kazinform.
Банктің бағалауынша, мұнай өнімдерінің әлемдік қоры АҚШ пен Израильдің Иранға қарсы соғысына дейін 50 млн доллар болған болса, қазіргі уақытта 45 млн долларға дейін қысқарған.
Goldman Sachs атап өткендей, әлем бойынша жалпы қорлар «осы жазда ең төменгі операциялық деңгейге жетуі екіталай, алайда кейбір аймақтарда және жекелеген өнімдер бойынша мұнай қорының азаюы мен жеткізу шығындарының өсуі алаңдатып отыр».
S&P сарапшыларының мәліметіне сәйкес, сұраныстың төмендеуіне қарамастан, сәуір айында мұнай қоры тәулігіне орта есеппен 6,6 млн баррельге азайған. Бұл бақылау тарихындағы екінші ең ірі төмендеу болып саналады. Мұнайға деген сұраныстың күрт құлдырауы тек коронавирус пандемиясы кезінде байқалған.
Financial Times газетінің атап өтуінше, негізгі әсер әзірге көбіне Азия елдерінде сезіліп отырғанымен, АҚШ-та бензин қоры жазғы демалыс маусымының шарықтау кезеңінде тарихи ең төменгі деңгейге жетуі мүмкін.
