Кадастр агенттігінің директоры Фаррух Пулатов жағдайды пайдаланып, заңсыз жолмен ақша табуды жоспарлап отырған «пысықайлардың» сөздері мен уәделеріне сенбеуге шақырды, деп хабарлайды Кадастр агенттігінің баспасөз қызметі.

Онда азаматтар жағдайды пайдаланып, заңсыз жолмен ақша табуды жоспарлап отырған «авантюристтерден» «хабардар болуға» шақырылған. Үндеуді төменде оқи аласыз.

«Заң күшіне енген күннен бастап Сізге үндеу жолдауымнан мақсат – «сақтыққа» шақыру!

Ұзақ жылдар бойы өзі тұрып жатқан үйді ресмилендіріп алуды ниет еткен адал жандар аз емес, бірақ осы жағдайды пайдаланып, заңсыз жолмен ақша табуды көздеп отырған «пысықайлар» да баршылық.

Сіздерді осындай адамдардың сөздеріне, уәделеріне сенбеуге шақырамын!

Біріншіден, махаллалар нақты бекітілген жоспарлы-график негізінде тіркеуден өткізіледі. Бірі қалып, екіншісіне өтпейді, яғни халық тілімен айтқанда, «жылдамдауға мүмкіндік жоқ!».

Екіншіден, тіркеуден кейін «ЭЪТИРОФ» бағдарламасына енгізілген әрбір жағдай бойынша 15-тен астам министрлік пен кеңселер қорытындыларын береді және ғарыштық фотосуреттер арқылы талдау жасалады. Халық тілімен айтқанда, «амалын тауып өткізуге болмайды!».

Үшіншіден, тіркеу үдерісінде заңмен нақты белгілеп берілген 8 санатқа кіретін жағдайлар зерттеледі. Қазіргі таңда оны иемденіп, құрылыс салып, заңдастыруды жоспарлап отырғандар жауапқа тартылады, бұл жұмыстар да ақпараттық жүйелер арқылы бақыланатын болады. Халық тілімен айтқанда, «таныс-біліс өтпейді!».

Құрметті жерлестер, кез келген жағдайда да алаяқтық, ашкөздік немесе сыбайлас жемқорлық фактілеріне тап болсаңыз, құқық қорғау органдарына хабарласыңыз.

Осы Заңның әділетті әрі тиімді орындалуы бәрімізге бірдей байланысты екенін ұмытпайық», - деп түрғындарға өтініш жасады Агенттік директоры Фаррух Пулатов.