Атап айтқанда,
Дүниежүзілік денсаулық сақтау ұйымы қазіргі уақытқа дейін АҚШ, Гонконг,
Мозамбик және Ұлыбритания сияқты 23 елде осы мутация тіркелгенін мәлімдеді.
Жаңа штамм қаншалықты қауіпті? Оның елімізге келу
ықтималдығы бар ма? Қандай профилактикалық шаралар қажет?
Осы және басқа да сұрақтарға Санитариялық-эпидемиологиялық
тыныштық және қоғамдық денсаулық комитеті төрағасының бірінші орынбасары Нурмат
Атабеков төмендегідей жауап берді.
— Шын мәнінде, BA.3.2 штаммы анықталғанына біраз уақыт болды
және ол біркелкі жылдамдықпен таралмауымен ерекшеленеді. Сондықтан бұл
мутацияға 17 жылға дейін “ұйқыда” бола алатын, ұзақ уақыт байқалмайтын жәндік —
цикада атауы берілген.
Дүниежүзілік денсаулық сақтау ұйымы әзірге аурудың таралу
деңгейін бақылау қажет екенін және елеулі қауіптің белгілері жоқ екенін
мәлімдеді. Сонымен қатар, жаңа штамм басқа түрлеріне қарағанда қауіпті екеніне
жеткілікті дәлелдер жоқ.
Алғашқы зерттеулерге сәйкес, “Цикада” штаммы “Омикронға” тән
ұқсас клиникалық белгілермен өтеді. Ол тыныс алу жолдарының зақымдануы, яғни
мұрын бітелуі, жөтел, тамақ ауруы, қызару, кейде иіс пен дәм сезбеу сияқты
белгілермен көрінуі мүмкін.
Мамандардың айтуынша, ересектерге қарағанда балалар арасында
жиі кездеседі. Бұл келесі фактормен байланысты.
Белгілі болғандай, пандемия кезінде әлем халқының көп бөлігі
COVID-19-ға қарсы вакцина алды, соның арқасында олардың қайтадан ауыру
ықтималдығы төмен. Ал бұрын коронавируспен ауырмаған, яғни ағзасында
антиденелер қалыптаспаған балаларда вирус жұқтыру қаупі бар.
Созылмалы аурулары бар, тыныс алу жолдары ауруларымен
ауыратындар, иммунитеті әлсіз және егде жастағы адамдар да бұл қауіптен толық
қорғалмаған.
Әрине, вирус ошақтары анықталған аймақтардан келген
адамдармен мүмкіндігінше қарым-қатынасты шектеуді ұсынамыз. Алайда “Цикада”
эпидемия немесе пандемия туғызады деген пікірмен келіспейміз.
Өзбекстан мысалында айтсақ, еліміздегі эпидемиологиялық
жағдайы тұрақты. Халық
арасында коронавирус штаммдарына қарапайым респираторлық аурулар сияқты
көзқарас қалыптасқан. Себебі тұрғындардың шамамен 80 пайызында ұжымдық
иммунитет бар.
Осы тұрғыдан алғанда, әлемде тіркеліп жатқан жаңа штаммдар
туралы дүрліктіретін хабар тарату дұрыс емес. Алаңдауға негіз жоқ.
