Қасым-Жомарт Тоқаев Танзила Нарбаеваны құттықтай отырып, Астана қаласында өтіп жатқан ең маңызды бастама — Орталық Азияның жетекші әйелдерінің диалогына белсенді қатысып, қолдау көрсеткені үшін алғысын білдірді.
Қазақстан Республикасының басшысы осы беделді іс-шараның бірінші мәжілісінің нәтижелері аумақаралық ынтымақтастықты жандандыруға қызмет ететініне және Орталық Азияда гендерлік теңдік пен тұрақты дамытуды қамтамасыз ету саласында ұзақ мерзімді шешімдерді әзірлеуге мүмкіндік беретініне сенім білдірді.
Қазақстан Президенті Қ.Тоқаев Олий Мажлис Сенаты Төрайымының сапары екіжақты ынтымақтастықтың бірегей сипатының айқын мысалы екенін және Қазақстан мен Өзбекстан арасындағы стратегиялық серіктестік пен одақтастық деңгейіне толық сәйкес келетінін атап өтті.
– Өткен жылдың декабрь айында Өзбекстанға жасаған мемлекеттік сапарымыздың нәтижелерін жоғары бағалаймыз. Ағымдағы жылдың 3 март күні Шымкент қаласында бейресми кездесу өтті, онда елдеріміз арасындағы ынтымақтастықтың ең өзекті мәселелері талқыланды. Тек Үкімет деңгейінде үйлестірілген жұмыс жүргізіліп қана қоймай, парламентаралық дипломатияның да белсенді дамып келе жатқаны қуантады. Сондықтан мен келесі жылы Самарқантта өтетін екінші Парламентаралық форумды ризашылықпен құптаймын, деп айтты Қасым-Жомарт Тоқаев.
Өз кезегінде, Танзила Нарбаева шынайы қабылдағаны үшін ризашылығын білдіріп, Өзбекстан Президенті Шавкат Мирзияевтың сәлемін жеткізді.
– Біз Сіздің басшылығыңызбен Қазақстанда жүзеге асырылып жатқан кең ауқымды реформаларды жоғары бағалаймыз. Сізді Қазақстандағы бүкіл жүйені саяси жаңғыртуға мүмкіндік берген ірі шаралардың нәтижелі өткенімен құттықтаймын. «Қазақстан озық реформалар жолымен сенімді түрде баруда, ал Қазақстан халқы Сіз ұстанған жолды белсенді түрде қолдап-қуаттауда, деді Сенат Төрайымы.
Соңында Қазақстан басшысы Өзбекстан басшысына шынайы сәлемін айтып, ізгі тілегін білдірді.
