Форумның барлық шаралары Өзбекстан мен Венгрия арасындағы инвестициялық және сауда-экономикалық ынтымақтастықты одан әрі дамыту мақсатында екі елдің іскер топтары өкілдерінің өзара қарым-қатынастарын жан-жақты нығайтуға бағытталған.
Форумның ашылу салтанатына Өзбекстан Республикасы Премьер-министрінің орынбасары – Инвестициялар және сыртқы сауда министрі Жамшид Ходжаев пен Венгрияның Сыртқы істер және сыртқы экономикалық байланыстар министрі Петер Сийярто қатысты.
Петер Сийярто шарада сөз сөйлеп, екі ел арасындағы қарым-қатынастардың дамуындағы оңды динамикасы мен Венгрия үкіметінің екі ел үшін үстем бағыттары бойынша экономикалық серіктестікті дәйекті түрде кеңейту бастамаларын қолдап-қуаттайтынын атап өтіп, Венгрия бизнес өкілдерін өзбекстандық шаралармен ынтымақтастықты жолға қою және нығайтуға шақырды.
Өзбекстан тарапы елімізде бизнес жүргізу үшін қолайлы жағдайлар жасауға, сондай-ақ, визасыз режимді, валюта саясатын ырықтандыруды, кәсіпкерлік қызметті одан әрі ынталандыруды, инвесторлардың құқықтарын қорғауды және жеке мүлікке қол сұқпаушылықты қамтитын жаңа Даму стратегиясының қабылданғанын ерекше атап өтті.
Венгриялық кәсіпкерлерді жан-жақты қолдап-қуаттауға дайын екендігі айтылды. Осы орайда Өзбекстанда Венгрия компаниялары үшін Өзбекстанда ерекше өнеркәсіп аймағын бөлу, өнімге эксклюзивті жеңілдіктер беру және кепілдендірілген сатып алу, сондай-ақ ұйымдастырылып жатқан үстем жобаларды қаржыландыру қордың қаражат есебінен болашақ бастамаларды бірге жүзеге асыру сияқты нақты іс-шаралар атап өтілді.
Форум барысында венгриялық компанияларға инвестициялық мүмкіндіктер, сондай-ақ фармацевтикалық, ауыл шаруашылығы, электроника және электротехника, тоқымашылық өнеркәсібі, автомобилжөндеу, химия және құрылыс индустриясы туралы толық ақпарат берілді.
Өткен жылдың апрель айында Өзбекстанға GSP+ бенефициар мәртебесінің берілуіне байланысты Еуропа Одағына, сондай-ақ ТМД базарларына жеңілдік пен мүмкіндіктерді пайдалана отырып, тиімді өндірістік кооперациясы тізбегін құру болашақтары венгриялық өндірушілердің үлкен қызығушылығын оятты.
Бизнес-форум аясында Өзбекстан мен Венгрияның министрліктері, кеңселері, салалық қауымдастықтары, банктері мен жетекші компаниялары басшыларының арасында «G2G» және «В2В» форматында кездесулер ұйымдастырылды, онда қатысушылар өз мәселелерін жан-жақты түсіндіре алды. Біріккен кәсіпорындар құру және өзара тиімді сауда келісімдерін жасау мәселелерін жан-жақты шешуге қол жеткізілді.
Форум қорытындысы бойынша Өзбекстан мен Венгрия арасындағы экономикалық және инвестициялық ынтымақтастықты дамытудың жаңа болашақтарын ашатын бірқатар екіжақты құжаттарға, инвестициялық келісімдерге және экспорттық келісімшарттарға қол қойылды, деп хабарлайды Инвестициялар және сыртқы сауда министрлігінің баспасөз қызметі.
