Кездесу барысында осы жетекші жапон қаржы институтының қатысуындағы практикалық ынтымақтастықты кеңейту және бірлескен жобаларды ілгерілету мәселелері талқыланды.
JBIC-тің Өзбекстан экономикасының маңызды салаларын дамыту және жаңғыртуға қосып келе жатқан үлесі атап өтілді.
Қазіргі уақытта бірлескен жобалар портфелі мұнай-химия, тоқыма өнеркәсібі, энергетика, ақпараттық технологиялар, инфрақұрылым және басқа да бағыттарды қамти отырып, шамамен 4 миллиард долларға жеткен.
Жаңа үш жылдық ынтымақтастық бағдарламасы аясында жапон компанияларының қатысуымен «жасыл» энергетика, ақпараттық технологиялар, көлік және денсаулық сақтау салаларындағы кооперациялық жобаларды жедел түрде дайындау және іске асырудың маңыздылығы ерекше атап өтілді.
Сондай-ақ Өзбекстанда Жапония халықаралық университетін ашуға байланысты нақты шаралар қабылдау қажеттігі айтылды.
Келіссөздердің қорытындысы бойынша тараптар кешенді «жол картасын» қабылдауға уағдаласты.
