Әскери шеруге жиырмадан астам елдің басшылары мен делегациялары, соның ішінде Ресей, Беларусь, Әзербайжан, Қазақстан, Қырғызстан, Моңғолия, Тәжікстан, Түркіменстан, Иран, Вьетнам, Мысыр және басқа да мемлекет басшылары қатысты.
ҚХР Төрағасы Си Цзиньпин өз сөзінде тарихи жадыны сақтау, бейбітшілікті қорғау және әділеттілікті қамтамасыз етудің маңыздылығын атап өтті.
Парадта Қытай халық-азаттық армиясының 45 әскери бөлімшесі сап түзеді. Сондай-ақ Қытай қорғаныс өнеркәсібінде жасалған зымыран жүйелері, танктер, авиациялық техника мен заманауи ұшқышсыз аппараттардың соңғы үлгілері көрсетілді.
Айта кетсек, мұндай әскери шерулер Бейжіңде 1949 жылдан бері өткізіліп келеді. Соңғы ірі әскери шеру 2019 жылғы 1 қазанда ұйымдастырылып, оған 15 мыңға жуық сарбаз қатысқан еді.
Өзбекстан Республикасы Президентінің Бейжің қаласындағы осы салтанатты шараларға қатысуы елдің халықтар арасындағы достық пен өзара түсіністікті нығайтуға, бейбітшілік, тұрақты даму және өркендеу жолында өңірлік және жаһандық деңгейде сындарлы диалогты дамытуға бағытталған сыртқы саясатының жарқын дәлелі болды.
