Өзбекстан Республикасының Президенті Шавкат Мирзиёев 6 шілде күні Қазақстан Республикасының тұңғыш Президенті Нұрсұлтан Назарбаевпен телефон арқылы сөйлесті.
Мемлекет басшысы Нұрсұлтан Назарбаевты туған күнімен шын жүректен құттықтап, оған зор денсаулық, бақ-береке және табыс тіледі.
Әңгіме барысында Өзбекстан мен Қазақстан арасындағы достық, тату көршілік, стратегиялық әріптестік және одақтастық қатынастардың қазіргі жоғары деңгейі, сондай-ақ барлық бағыттардағы көпқырлы ынтымақтастықтың қарқынды дамып келе жатқаны атап өтілді.
Өзбекстан Республикасының Президенті Шавкат Мирзиёев 5 қазан күні телефон арқылы әңгімелесу барысында Тәжікстан Республикасының Президенті Эмомали Рахмонды туған күнімен құттықтап, оған мықты денсаулық пен бақыт, ал бауырлас Тәжікстан халқына береке-бірлік пен тұрақты өркендеу тіледі.
