Сапар аясында Мемлекет басшысы Тәжікстан Республикасының Президенті Эмомали Рахмонмен келіссөздер өткізді.
Сонымен қатар, Шавкат Мирзиёев Душанбе қаласында өткен «Орталық Азия – Ресей» форматындағы екінші саммитке және Тәуелсіз Мемлекеттер Достастығы Мемлекет басшылары кеңесінің кезекті отырысына қатысты.
Өзбекстан көшбасшысы саяси, экономикалық және гуманитарлық салалардағы ынтымақтастықты кеңейту, сондай-ақ көпжақты әріптестіктің нәтижелілігін арттыруға бағытталған бірқатар бастамаларды ортаға салды.
Сапар бағдарламасы аяқталған соң, Душанбе халықаралық әуежайында мәртебелі мейманды Тәжікстан Премьер-Министрі Қохир Расулзода және басқа да ресми тұлғалар шығарып салды. Мемлекет басшысы Ташкентке қайтып оралды.
