Сұхбат барысында Таяу Шығыстағы соңғы үдерістер, аймақтық қауіпсіздік пен тұрақтылыққа теріс әсер етіп отырған жағдайлар талқыланды. Тараптар қалыптасқан ахуалға байланысты алаңдаушылық білдірді.
Қасиетті Рамазан айында мұсылман үмбеті ынтымақ, бауырластық, өзара құрмет пен төзімділік қағидаттарына сүйене отырып, бір-біріне қолдау көрсетуі тиіс екені сөз болды.
Елдің тыныштығы мен азаматтардың қауіпсіздігіне елеулі қауіп төндіретін, жазықсыз азаматтардың зардап шегуіне әкеліп соғатын кез келген іс-әрекеттерді дереу тоқтату қажеттігі айтылды. Барлық мәселелерді тек дипломатиялық жолмен және келіссөздер арқылы шешу маңызды екені ерекше атап өтілді.
Өзбекстан басшысы осындай күрделі әрі сын-қатерлі кезеңде Бахрейн басшылығы және халқымен ынтымақтас әрі ниеттес екенін білдірді.
Өз кезегінде Король Хамад бен Иса Әл Халифа осы қиын күндері көрсетілген назар, шалынған телефон қоңырауы, шынайы достық пен қолдау үшін Өзбекстан Президентіне терең ризашылығын жеткізді.
