Кездесуде Өзбекстан мен Венгрия арасындағы стратегиялық серіктестік қатынастарын, соның ішінде парламентаралық бағыттағы ынтымақтастықты одан әрі дамыту мәселелері талқыланды.
Екі ел парламенттік делегациялары арасындағы өзара сапарлар мен кездесулердің жанданғаны айтылды. Атап айтқанда, биыл сәуір айында Ташкент қаласында өткен Парламентаралық одақтың 150-жылдығына арналған мерейтойлық Ассамблеяға Венгрия Ұлттық мәжіліс спикерінің орынбасары Янош Латорцаи қатысқан болатын. Жыл соңына дейін Венгрия парламенті төрағасының орынбасары мен Экономика комитеті басшысының Өзбекстанға сапары, сондай-ақ Өзбекстан парламенттік делегациясының Будапештке сапары жоспарланып отыр.
Кездесуде қол қойылған келісімдердің орындалуына жәрдемдесу, достық топтарының жұмысын жандандыру, ең алдымен өңірлерді дамыту, әлеуметтік қорғау, салық және цифрландыру салаларында заң шығару тәжірибесімен алмасу мақсатында салалық комитеттер арасында тығыз байланыс орнату қажеттігіне ерекше назар аударылды.
