Мемлекет басшылары жақындап келе жатқан Рамазан айт және Наурыз мерекелерімен бір-бірін шын жүректен құттықтап, бауырлас Өзбекстан және Әзербайжан халықтарына бейбітшілік, амандық, өсіп-өркендеу тіледі.
Сұхбат барысында Жоғары мемлекетаралық кеңестің екінші отырысында қол жеткізілген келісімдерді жүзеге асыру аясында Өзбекстан мен Әзербайжан арасындағы стратегиялық серіктестік және одақтастық қатынастарды одан әрі кеңейту мәселелеріне ерекше назар аударылды.
Тауар айналымының тұрақты өсіп келе жатқаны, сондай-ақ сауда-экономикалық, инвестициялық, көлік, мәдени-гуманитарлық және басқа да басым бағыттарда бірлескен кооперациялық жобалардың ілгерілеп жатқаны атап өтілді.
Тараптар, сондай-ақ, Таяу Шығыстағы жағдайды талқылады. Оның одан әрі шиеленісуі кең аймақ үшін болжап болмайтын салдарға, тіпті жаһандық экономикада рецессияға әкелуі мүмкін екені айтылып, жағдайды тек саяси-дипломатиялық жолдармен жедел түрде тұрақтандыру қажеттігі атап өтілді.
Сонымен қатар алдағы екіжақты және көпжақты іс-шаралар жоспары да қаралды.
