Сапар аясында Премьер-министрдің бірінші орынбасары – Инвестициялар және сыртқы сауда министрі С.Умурзаков Сауд Арабиясы Корольдігінің Энергетика министрі Ханзада Абдулазиз бен Салман әл-Саудпен кездесті.
Кездесу барысында энергетика саласындағы Өзбекстан-Сауд Арабиясы қарым-қатынастарының қазіргі жағдайы, бірлескен жобаларды жүзеге асыру барысы және осы саладағы бірлескен инвестициялық портфельді кеңейту болашақтары талқыланды.
Сауд Арабиясы қазіргі уақытта Өзбекстанның энергетикалық секторындағы ең ірі шетелдік инвесторлардың бірі болып табылады. Бұл елдегі Сауд Арабиясының ACWA Power компаниясының сәтті жұмыс істеуіне байланысты. Компания жобаларының жалпы құны 2,5 миллиард доллардан асады.
Қазіргі таңда Сырдария ауданында қуаттылығы 1,5 ГВт болатын бу-газ электр станциясын және Бұхара ауданында жалпы қуаты 1 ГВт екі жел электр станциясын салу жобасы жүзеге асырылуда. Биылғы жылдың февраль айында Қарақалпақстан Республикасында қуаттылығы 100 МВт болатын тағы бір жел электр станциясының құрылысы басталды.
Келіссөздер барысында 2025 жылға қарай еліміздің жалпы энергетикалық балаындағы баламалы энергия көздерінің үлесін 25%-ға дейін ұлғайту мақсатында жаңартылатын энергетика саласындағы ынтымақтастықты одан әрі тереңдетудің маңызды болашақтары атап өтілді.
Тараптар саудиялық инвесторлардың осы саладағы табысты тәжірибесін ескере отырып, бірлескен инвестициялық жобаларды жүзеге асырудың жаңа бағыттарын әзірлеуге келісті.
Атап айтқанда, химия өнеркәсібіне қажетті шикізат өндіру мақсатында табиғи газды өндіру мен өңдеуді ұлғайту жобаларына назар аударылды. Жақын арада ынтымақтастықтың іс жүзіндік сипаттарын дамыту мақсатында Сауд Арабиясының жетекші компанияларының басшылары Өзбекстанға барады.
Кездесу соңында өзара тиімді ынтымақтастықты тереңдету және
қарым-қатынастың жаңа бағыттарын дамыту бойынша келесі қадамдар белгіленді, деп хабарлайды Инвестициялар және сыртқы сауда министрлігінің баспасөз қызметі.
