Өзбекстан мен Қытай арасындағы қарым-қатынастардың кең ауқымы, атап айтқанда, саяси, сауда-экономикалық және мәдени-гуманитарлық салалардағы өзара тиімді ынтымақтастық байланыстарды одан әрі нығайту мәселелері талқыланды.
Мемлекеттер арасындағы қарым-қатынастар достық пен жан-жақты стратегиялық серіктестік негізінде дамып келе жатқаны, жоғары деңгейдегі белсенді саяси диалогтың арқасында 2023 жыл Өзбекстан-Қытай қарым-қатынастары тарихында үлкен маңызға ие болғаны баса айтылды.
Соңғы 5 жылда елдеріміз арасындағы өзара тауар айыр бастау көлемі екі есеге өсіп, 9 миллиард доллардан астамды құрады. Осы кезеңде Қытай инвестициясының көлемі де 5 есеге, ал компаниялар саны 3 есеге артты.
Диалог барысында инновациялық және технологиялық қуаттарды бірлесіп құру, атап айтқанда, автомобиль өнеркәсібі, жасыл энергетика, ақылды ауыл шаруашылығы, суды үнемдейтін технологияларды өндіру салаларындағы жобаларды жүзеге асыру туралы пікір алмасылды.
Өзара қарым-қатынастардың тағы бір маңызды бағыты ретінде аймақаралық ынтымақтастықты дамыту мәселелеріне назар аударылды. Биылғы жылы жасалған сапарлардың нәтижесінде жалпы құны 3,5 миллиард долларды құрайтын 100-ден астам инвестициялық келісімдер мен келісімшарттаға қол жеткізілгені ризашылықпен атап өтілді.
Сондай-ақ, мәдени-гуманитарлық ынтымақтастықты, ең алдымен, білім, ғылым және технология, мәдениет және туризм салаларын да одан әрі дамыту қажеттігі туралы пікір айтылды.
Тараптар терең де өзара тиімді серіктестіктің негізі ретінде екі ел парламенттері арасындағы ынтымақтастықтың маңыздылығын атап өтіп, алдағы жылдары бұл бағытта белсенділік байқалғаны, қарым-қатынастарды практикалық жобалармен одан әрі байыту қажеттігіне тоқталды.
Екі ел арасындағы жоғары деңгейде қол жеткізілген келісімдерді тиімді жүзеге асыру мақсатында тұрақты диалог орнатуға, осы үдерісте үйлестіруші ретінде парламентаралық достық топтардың рөлін одан әрі арттыруға назар аударылды.
Парламенттік делегациялардың сапарларын жандандыру, біріккен іс-шараларды өткізу, жергілікті бюджеттердің атқарылуына парламенттік бақылауды жүзеге асыру бойынша тәжірибе алмасу, сондай-ақ кәсіпкерлікті дамыту, кедейшілікті азайту, «жасыл экономикаға» өту, су ресурстарын қорғау сияқты бағыттарда ынтымақтастықты одан әрі дамытуға келісті, деп хабарлайды Олий Мажлис Сенатының баспасөз қызметі хабарлады.
Бүкілқытайлық халық өкілдері кеңесінің тұрақты комитеті төрағасының орынбасары Чжан Синвей Сенаттың құрметті қонақтар кітабына қолтаңба қалдырды.
