Соңғы жылдары Польшаның еңбек базары көптеген салаларда білікті жұмыс күшінің жетіспеушілігі проблемасына тап болуда. Бұл туралы Сыртқы еңбек миграция агенттігінің ақпарат қызметінің басшысы Ортиқхужа Норов хабарлады.
Поляктар бұл мәселені Орталық Азия, атап айтқанда өзбекстандық жұмысшылармен шешпекші. Dziennik Wschodni журналының жазуынша, Польшаның жұмыс берушілері өзбектерді еңбекқор, кәсіпқой және тәртіпті, басқа мамандықтарды иелеп алуға құштар деп біледі.
Журналда жазылуынша, Орталық Азияда, әсіресе Өзбекстан шетелде жақсы жұмыс іздеп жүрген білікті жұмысшылардың көптігімен ерекшеленеді. Бұған дейін жұмыс істеу үшін Ресейге кеткен өзбекстандықтар енді адам құқығы қағидалары мен жұмысшылардың құқығы сақталатын Еуропада жұмыс істеуге ниет білдіруде. Польша компаниялары осыны ескере отырып, еңбек базарына тартуға болатын жұмысшылар бар екені, сондай-ақ олардың біліктілігін де қадірлеп, әлеуетінен пайдаланбақ.
Осы мақсатта Польшаның Worksol сияқты жұмыспен қамту агенттіктері Польшаның еңбек нарығындағы өсіп келе жатқан сұранысты қанағаттандыру үшін Өзбекстан мен Орталық Азия елдерінен жұмысшыларды жіберу мүмкіндіктерін іздей бастады. Worksol компаниясы Өзбекстанда да өз өкілеттігін ашты.
Өзбекстан азаматтарының көпшілігі ана тілінен бөлек орыс тілінде де сөйлейді, бұл поляк жұмыс берушілерімен қарым-қатынасты жеңілдетеді. Көптеген Польша кәсіпорындарында украиндар, белорустар, молдовандар да жұмысқа тартылғаны үшін орыс тілді координаторлар бар.
Ақпаратқа сәйкес, қазір Польшада 20 мыңнан астам өзбек бар.
