Биылғы жылдың алғашқы тоқсанында жүзеге асырылған инвестициялық жобалар және коммерциялық банктердің қатысуы нәтижесінде 77 мың азамат жұмыспен қамтылды.
Жалпы алғанда, 2025 жылы құны 5 миллиард 700 миллион долларды құрайтын 166 инвестициялық жоба іске асырылады. Бұл арқылы 31 мың жаңа жұмыс орны ашылады. 31 түрлі жаңа өнім өндіру жолға қойылып, 1,5 миллиард долларлық экспорттық әлеует қалыптасады. Сондай-ақ кәсіпорындарды тұрақты энергиямен қамтамасыз ету үшін 65 мегаватт жаңа қуат көздері іске қосылады.
Осы жұмыстарды жалғастыра отырып, жыл соңына дейін жалпы 305 мың адамды тұрақты табыспен қамтамасыз ету жоспарланып отыр.
Таныстырылымда экономиканы әртараптандыру, өнеркәсіпті дамыту, жаңа технологияларды енгізу және өндірістік қуаттарды кеңейту мәселелеріне ерекше назар аударылды. 2025 жылы экономикалық өсім қарқыны 5,5 пайызға жетеді деп күтілуде.
Президент жауапты басшыларға жобаларды уақытында орындау, халықты тұрақты жұмыспен қамту және жұмыссыздарды кәсіпке баулу бойынша нақты тапсырмалар берді.
