«Эндрюс» әуе базасында Мемлекет басшысын АҚШ Мемлекеттік хатшысының орынбасары Кристофер Ландау, АҚШ–Өзбекстан Сауда палатасының төрайымы Кэролин Лэмм және басқа да ресми тұлғалар қарсы алды.
Сапардың негізгі іс-шаралары 5–6 қараша күндері өтеді. Өзбекстан Президенті Америка Құрама Штаттарының Президенті Дональд Трамппен кездеседі және Орталық Азия елдері мен АҚШ басшыларының «С5+1» форматындағы саммитіне қатысады.
Бағдарлама аясында АҚШ Конгресі және Үкімет өкілдерімен келіссөздер өткізу, елдің жетекші компанияларының басшыларымен жеке кездесулер және іскер топтар қатысатын дөңгелек үстел ұйымдастыру жоспарланған.
