Өзбекстан Республикасының Президенті Шавкат Мирзиёев Еуропа кеңесінің Президенті Антониу Кошта мен Еуропа комиссиясының Президенті Урсула фон дер Ляйеннің шақыруымен 23 қазан күні ресми сапармен Брюссель қаласына барады.
Мемлекет басшысы Бельгия астанасында Еуропалық Одақ басшыларымен келіссөздер өткізеді. Кездесуде көпқырлы ынтымақтастықты одан әрі дамыту және кеңейту мәселелері талқыланады.
Сапар барысында Өзбекстан мен Еуропалық Одақ арасында Кеңейтілген әріптестік пен ынтымақтастық туралы келісімге қол қою көзделген.
Бұдан бөлек, Өзбекстан Президентінің Бельгия Королі Филипппен, сондай-ақ Еуропаның жетекші компаниялары мен қаржы институттарының өкілдерімен кездесулері жоспарланған.
Өзбекстан Республикасының Президенті Шавкат Мирзиёев 12 желтоқсан күні Ашхабад қаласында Түркіменстанның тұрақты бейтараптығының 30 жылдығына, Халықаралық бейтараптық күніне және 2025 жылдың «Халықаралық бейбітшілік пен сенім жылы» деп жариялануына арналған халықаралық форумға қатысты.
Өзбекстан Республикасының Президенті Шавкат Мирзиёев 11 желтоқсан күні Ашхабад қаласына келгеннен кейін Түркімен халқының ұлттық көшбасшысы, Түркіменстан Халық Мәслихатының Төрағасы Гурбангулы Бердімұхамедовпен кездесу өткізді.
Өзбекстан Республикасының Президенті Шавкат Мирзиёев Түркімен халқының ұлттық көшбасшысы, Түркіменстан Халық Мәслихатының Төрағасы Гурбангулы Бердымұхамедовтың шақыруымен 11 желтоқсан күні жұмыс сапарымен Ашхабадқа барады.
