Өзбекстан Республикасының Президенті Шавкат Мирзиёев Тәжікстан Республикасының Президенті Эмомали Рахмонның шақыруымен бүгін осы елге жұмыс сапарымен барады.
Сапар бағдарламасына сәйкес, Мемлекет басшысы 9–10 қазан күндері Душанбеде өтетін «Орталық Азия – Ресей» форматындағы екінші саммитке, сондай-ақ Тәуелсіз Мемлекеттер Достастығы Мемлекет басшылары кеңесінің кезекті жиынына қатысады.
Күн тәртібіне көпжақты ынтымақтастықты кеңейтуге қатысты өзекті мәселелер енгізілген.
24 қазан күні Брюссель қаласында Өзбекстан Республикасының Президенті Шавкат Мирзиёев, Еуропалық кеңестің Президенті Антониу Кошта және Еуропалық комиссияның Президенті Урсула фон дер Ляйеннің қатысуымен Өзбекстан Республикасы мен Еуропалық Одақ арасындағы Кеңейтілген серіктестік және ынтымақтастық туралы келісімге қол қоюға арналған салтанатты рәсім өтті.
Өзбекстан Республикасының Президенті Шавкат Мирзиёев Бельгияға жасаған ресми сапары аясында Еуропаның жетекші компаниялары мен банк басшыларымен дөңгелек үстел отырысын өткізді.
Президент Шавкат Мирзиёев 20 қазан күні Ислам өркениеті орталығына барып, ондағы экспозициялар арқылы халқымыздың бай тарихи және рухани мұрасын кеңінен таныстыруға бағытталған жұмыстармен танысты.
