Кездесуде елімізде корпоративтік басқару жүйесін түбегейлі дамыту мақсатында компаниямен стратегиялық серіктестікті одан әрі кеңейту мәселелері талқыланды.

«Franklin Templeton» активтерді басқару және инвестициялық қызмет көрсету саласында әлемдегі ең ірі компаниялардың бірі саналады. Оның әлемнің 30 мемлекетінде 100-ден астам өкілдігі бар. Компанияның нарықтық капиталдандырылуы 12 миллиард АҚШ долларынан асады, ал басқаруындағы активтердің жалпы көлемі 1,6 триллион АҚШ долларынан жоғары.

«Franklin Templeton» қатысуымен бірлескен инвестициялық қор құрылып, мемлекеттің стратегиялық кәсіпорындарын трансформациялау және олардың акцияларын жаһандық қор нарықтарына орналастыру бойынша жұмыстар жүргізілуде.

Ташкент қор биржасының әлеуетін арттыру үшін оның тәуелсіздігі мен ашықтығын нығайту, қор нарығында инвесторлардың құқықтарын қорғау тетіктерін қалыптастыру, ірі халықаралық депозитарлық банктерді тарту және цифрлық платформаларды енгізу бағытында сараптамалық қолдау көрсету жөнінде келісімге қол жеткізілді.

Сонымен бірге ірі мемлекеттік кәсіпорындардың тиімділігін арттыру және оларды IPO-ға шығару бағдарламаларын жүзеге асыруға қызығушылық білдірілді.

Бұдан бөлек, кадрлық әлеуетті күшейту, «жасыл» экономика стандарттарын енгізу және тиімділікті арттыруға басымдық бере отырып, мемлекеттік кәсіпорындарды трансформациялау үшін компания тәжірибесін пайдалануға келісілді.

Биыл қазан айында Ташкент қаласында өтетін Инвесторлар күніне бірлесіп мұқият дайындық жүргізудің маңыздылығы атап өтілді.