Қырғызстан Президенті Мемлекет басшысын туған күнімен шын жүректен құттықтап, оған мықты денсаулық, отбасылық бақыт пен жауапты қызметінде үлкен жетістіктер, ал Өзбекстан халқына бейбітшілік пен гүлдену тіледі.
Келіссөз барысында тараптар Өзбекстан мен Қырғызстан арасындағы достық, тату көршілік және кең ауқымды стратегиялық серіктестікті одан әрі нығайтудың өзекті мәселелерін жан-жақты талқылады.
Өзара сауда көлемі қарқынды өсіп, өнеркәсіптік кооперация жобалары, соның ішінде Ортақ қор аясындағы бастамалар сәтті жүзеге асырылуда. «Қытай – Қырғызстан – Өзбекстан» темір жолы мен Қамбар-Ата ГЭС құрылысы секілді ірі өңірлік инфрақұрылымдық жобалар бойынша нақты жұмыстар жалғасып жатыр.
Мемлекет басшылары сондай-ақ алдағы жоғары деңгейдегі екіжақты және көпжақты іс-шаралар жоспары мен күн тәртібі бойынша да пікір алмасты.
