Өзбекстанда цифрлық технологиялардың дамуына жасалған кең мүмкіндіктер айтарлықтай нәтижелерге алып келді. IT-парк резиденттерінің саны 2 800-ден асты, шетелдік компаниялар саны 752-ге жетті. Бұл салада 40 мыңнан астам жас жоғары табыс тауып отыр.
Соңғы 5 жылда саланың экспорты 170 миллион доллардан 1 миллиард долларға жуықтады. Интернет жылдамдығы 7 есе, ал мобильді интернет 4,5 есе артты. Өткен жылы бұл саладағы стартаптарға 70 миллион доллар көлемінде венчурлық инвестиция тартылды.
Нәтижесінде, Өзбекстан «Жаһандық стартап индексі» рейтингінде 12 орынға көтеріліп, ТОП-100 елдің қатарына енді. Сондай-ақ, «Жасанды интеллектке дайындық» халықаралық индексінде еліміз 17 сатыға алға жылжып, Орталық Азияда бірінші орынды иеленді.
Мұндай жұмыстар жүйелі түрде жалғасуда. Атап айтқанда, келесі жылы мемлекеттік қызметтердің цифрландыру деңгейін 70 пайызға, IT қызметтер көлемін 100 триллион сумға жеткізу жоспарланған. «Электрондық үкіметті дамыту индексінде» кемінде 55-орынға көтерілу мақсаты қойылған. Бұл көрсеткіштерге қол жеткізу үшін бірқатар құжат жобалары әзірленді.
Таныстырылым барысында осы жобалар мен ұсыныстар талқыланды.
Қазіргі таңда 760 мемлекеттік қызмет цифрландырылған. Өткен жылы 10 миллион азамат цифрлық қызметтерді пайдаланған.
Мемлекет басшысы енді «Цифрлық үкіметтің» келесі кезеңіне өту уақыты келгенін атап өтті. Бұл кезең, ең алдымен, халық жиі жүгінетін білім беру, денсаулық сақтау, құрылыс және коммуналдық салалардан басталуы тиіс екені айтылды.
Өзбекстан Президентінің 2024 жылғы 14 қазандағы жарлығына сәйкес, жасанды интеллект технологияларын 2030 жылға дейін дамыту стратегиясы қабылданған. Бұл саладағы инфрақұрылымды жақсартуға 50 миллион доллар бөлінді. Жасанды интеллекттің ұлттық моделін жасап, 1 миллион маман даярлау міндеті жүктелген.
Цифрлық технологиялар министрі бұл жоспарларды іске асыру кезеңдері мен инфрақұрылымды дамыту шаралары туралы ақпарат берді.
Саладағы қызметтер көлемі мен экспортты ұлғайту да маңызды міндеттердің бірі. Қазіргі таңда бұл көрсеткіштердің басым бөлігі Ташкент қаласының үлесіне тиесілі. Өзбекстандағы қолайлы жағдайлар мен жеңілдіктер нәтижесінде басқа реколанттар да елімізге келуге мүдделі. Сондықтан әрбір өңірде тартымды орта қалыптастырып, шетелдік компанияларды тарту қажеттігі атап өтілді.
