Мәжілісте Сенаттың елуінші жалпы мәжілісін 2024 жыл 9 февраль күні шақыру туралы қаулы қабылданды.
Атап өткендей, бейнеконференцбайланыс жүйесі арқылы өтетін жалпы мәжілісте бірқатар мәселелер талқыланады деп күтілуде.
«Кедейшілікті төмендету бойынша кәсіпкерлік субъектілерімен өзара тиімді ынтымақтастықты орнатуға бағытталған іс-шараларды белгілеуге байланысты Өзбекстан Республикасының Салық кодексіне қосымшалар енгізу туралы», «Өзбекстан Республикасының кейбір заң құжаттарына несиелік міндеттемелерді орындау тәртібін жетілдіру және халықтың микроқаржы қызметтерін пайдалану мүмкіндіктерін кеңейтуге бағытталған өзгертулер мен қосымшалар енгізу туралы» және «Өзбекстан Республикасының Әкімшілік жауапкершілік туралы кодексіне өрттің алдын алу профилактикасының тиімділігін арттыруға бағытталған қосымша және өзгерістер енгізу туралы» заңдар осылар қатарында.
Сондай-ақ, кезектегі жалпы мәжілістің күн тәртібінде «Өзбекстан Республикасының кейбір заң құжаттарына азаматтардың әлеуметтік қорғалуын одан әрі күшейтуге бағытталған өзгерістер мен қосымшалар енгізу туралы», «Өзбекстан Республикасы Олий Мажлисінің Бала құқықтары бойынша өкілі (Балалар омбудсманы)» туралы» және «Халықаралық еңбек ұйымының Еңбек ақыны қорғау туралы 95-санды Конвенциясын (Женева, 1949 жыл 1 июль) ратификациялау туралы» заңдар да қамтылған.
Сонымен бірге, сенаторлар 2030 жылға дейін Өзбекстан Республикасында гендерлік теңдікке қол жеткізу стратегиясын 2023 жылы жүзеге асыру бойынша кешенді іс-шаралар бағдарламасында белгіленген міндеттердің атқарылуы және 2024 жылы жүзеге асыру бойынша кешенді іс-шаралар бағдарламасын бекіту, Әндіжан облысы аймақтарының әлеуметтік-экономикалық дамыту бойынша «жолы карталарында» белгіленген міндеттер атқарылуы туралы, Ташкент облысында кәсіпкерлікті дамыту және инвестицияларды тартуда жүзеге асырылған істердің бүгінгі жағдайы туралы мәселелер де қаралды, деп хабарлайды Олий Мажлис Сенатының баспасөз қызметі.
