Шара Өзбекстанның ШЫҰ-ға төрағалығы бастамашылдығында өткізіледі.
Форумға ШЫҰ-ға мүше мемлекеттер парламенттерінің, халықаралық құрылымдардың, беймемлекеттік бейкоммерциялық ұйымдардың, сондай-ақ ғылыми-талдау орталықтарының өкілдерінен құралған 120-дан астам адам қатысады деп күтілуде.
Ең алдымен форум қатысушыларына құттықтау сөзімен Өзбекстан Республикасы Сенатының Төрайымы Танзила Нарбаева, Бүкілқытай өкілдері кеңесі Тұрақты комитеті төрағасының орынбасары, ШЫҰ-ның тату көршілік, достық және ынтымақтастық бойынша Қытай комитетінің төрағасы Шен Юеюе және Өзбекстан Сыртқы істер министрі міндетін атқарушы Владимир Норов сөз сөйлейді.
Екі бағытта өткен жалпы мәжілісте – «Халықаралық ынтымақтастықтағы халық дипломатиясының орны» және «Халық дипломатиясы – қазіргі заманғы мемлекетаралық диалогтың маңызды элементі: ШЫҰ-ға мүше мемлекеттердің тәжірибесі» тақырыптарында қатысушылар «ШЫҰ отбасы» мемлекеттері арасындағы көпқырлы қарым-қатынастарды нығайту үшін халық дипломатиясы құралдарын тиімді пайдалану жолдарын талқылады.
Форум қорытындысы бойынша ШЫҰ халық дипломатиясының Ташкент коммюникесін қабылдау жоспарланған.