Нұр-Сұлтан қаласында Өзбекстан Республикасы Премьер-министрінің орынбасары – Инвестициялар және сыртқы сауда министрі С.Умурзақов Қазақстан Республикасы Премьер-министрінің орынбасары Р.Склярмен кездесті.
Кездесу барысында екі ел арасындағы сауда-экономикалық, инвестициялық, өнеркәсіптік және аймақаралық ынтымақтастықтың қазіргі жағдайы мен келешегі талқыланды.
Тараптар Өзбекстан-Қазақстан экономикалық серіктестігінің қарқынды дамып келе жатқанын атап өтіп, жаңа бірлескен жобалар мен бастамаларды жүзеге асыруға мүдделі екендіктерін білдірді.
Айрықша жобалардың жүзеге асырылуы жан-жақты зерделеніп, туындаған мәселелерді шешу механизмдері жасалды, олардың дер кезінде жүзеге асуына практикалық көмек көрсетудің келесі қадамдары белгіленді. Келісілген міндеттерді орындау үшін тығыз диалогты дамытып, келешегі зор салалардағы ынтымақтастықты кезең-кезеңімен кеңейту мақсатқа сай екені айтылды.
Өзбекстан Республикасы Президентінің Қазақстан Республикасына алдағы іссапарына дайындық мәселелері қаралды. Шара екі ел арасындағы қарым-қатынастың дамуына тың серпін береді деп күтілуде.
Келіссөздер барысында тараптар өзара қатынастардың экономикалық күн тәртібінің маңызды бөлігі ретінде аймақаралық ынтымақтастықты дамытуға ерекше назар аударды. Әр жылы өткізілетін Аймақаралық ынтымақтастық форумдарында қол жеткізілген өзара уағдаластықтардың орындалуын бақылау, инвестициялық және сауда-экономикалық ынтымақтастықты одан әрі тереңдету бойынша ұсыныстар жасау үшін екі елдің шекаралық әкімшіліктері арасындағы байланыстарды жандандыруға, жақын арада 2022 жылға арналған екіжақты аймақаралық ынтымақтастықтың жекелеген бағдарламаларын дайындауға келісілді. Бағдарламаларға жоспарланған біріккен іс-шаралардың, желілік көрмелердің, бизнес-форумдардың және сауда миссияларының тізімін қамтиды. Өз кезегінде шараның мақсаты – екі елдің кәсіпкерлері арасында тікелей ынтымақтастық орнату және бірлескен жобалар мен сауда келісімдерін арттыру.
Кездесу соңында қол жеткізілген келісулерді жүзеге асыру және өзара мүдделі қарым-қатынастардың жаңа бағыттарын айқындау бойынша алдағы ынтымақтастықтың формасы туралы келісімге қол жеткізілді, деп хабарлайды Инвестициялар және сыртқы сауда министрлігінің баспасөз қызметі.
