Бұл
туралы Иранның Tasnim ақпарат агенттігінің мәліметіне сүйеніп «Дунё»
ақпарат агенттігі хабарлады.
Иран
ішкі істер министрінің орынбасары әрі аза тұту шараларын ұйымдастыру жөніндегі
штабтың басшысы Әли Акбар Пуржамшидиянның мәліметінше, 30-дан астам мемлекет
пен 90-нан аса елдің діни көшбасшылары және ресми делегациялары қоштасу
рәсімдеріне қатысуға дайын екендерін білдірген. Иран Сыртқы істер
министрлігінің ресми өкілі Исмаил Боғаи да іс-шараларға аймақтық елдері мен
басқа мемлекеттердің ресми өкілдері қатысатынын растады.
Өзбекстан
Сыртқы істер министрлігіндегі дереккөздің хабарлауынша, 3 шілде күні Өзбекстан
Республикасы Олий Мәжілісі Заң шығару палатасының Спикері Нуриддин Исмоилов
бастаған делегация Иранға барып, аза тұту рәсімдеріне қатысады.
Ресми
бағдарламаға сәйкес, аза тұту шаралары 4 шілде күні Тегерандағы «Мосалла»
кешенінде басталады. Сол күні кешен халықпен жаппай қоштасу рәсімі үшін
ашылады. 5 шілде күні жаназа намазы оқылып, ел астанасында жаппай аза шеруі
ұйымдастырылады. Кейінгі іс-шаралар Құм және Мешһед қалаларында, сондай-ақ
Ирактың Наджаф және Кербала қалаларында өткізіледі. Жерлеу рәсімі 9 шілде күні
Мешһед қаласында өтеді.
Иран
билігінің мәліметінше, аза тұту шараларын үйлестіру үшін ел ішінде және шетелде
бірыңғай ұлттық штаб құрылған. Ирак тарапы да іс-шараларды өткізу және мәйітті
қабылдау жұмыстарын үйлестіру үшін арнайы үйлестіру орталығын іске қосқан.
Рәсімдерге миллиондаған адамның қатысуы күтілуде.
Еске
сала кетейік, Аятолла Әли Хаменеи 2026 жылғы 28 ақпанда АҚШ пен Израильдің
Иранға жасаған әуе шабуылдары кезінде қаза тапқан. Бастапқыда жоспарланған
жерлеу рәсімдері өңірдегі әскери жағдайға байланысты бірнеше рет кейінге
қалдырылған еді.
