Қала ішіндегі жолдар бойымен қатынауды қамтамасыз ету үшін 52 автобус жеткізілген. Олар толықтай Еуро-5 стандартына сай келеді және жанармай үшін табиғи газды пайдаланады.
Әрқайсысы 65 жолаушыны ыңғайлы жағдайда тасымалдауға лайықталған бұл автобустар төмен еденді болып, мүмкіндігі шектеулі жандардың қозғалысына арналған арнайы пандус жабдығы және жеке орындықтармен қамтамасыз етілген. Жол ақысын электронды түрде төлеу үшін «ATTO» жүйесі орнатылған.
Халықтың қоғамдық көлікке деген сұранысы ескеріліп, автобустар Гүлістан қаласының 23 махалласын толық қамтитын 7 қалалық бағытта брутто-келісімшарт негізінде қызмет көрсетеді.
Нәтижесінде автобустардың жүру аралығы бұрынғыға қарағанда екі есе қысқарып, тәулігіне 29 мыңнан астам тұрғынға қолайлы, қауіпсіз және арзан көлік қызметі ұсынылады.
Тағы бір жайт: бұл бағыттар арқылы жылына 38 миллиард сумнан астам көлік қызметі көрсетіліп, 120 жұмыс орны ашылады.
Мемлекет басшысы еліміздің қалаларындағы қоғамдық көлік парктерін осындай заманауи автобустармен толықтыру жұмыстарын жүйелі түрде жалғастыру, азаматтарға сапалы қызмет көрсету жөнінде тапсырмалар берді.
Сондай-ақ осы жерде болашақта ұзақ қашықтыққа арналған ұзындығы 11 метр болатын тағы 30 автобусты алып келу жоспары туралы мәлімет берілді. Бұл жоба орындалса, қосымша 150-ден астам жұмыс орны ашылады.
