Шарада Cove Capital LLC, City, Bridge Capital Group, Creative Associates, FL Smith, dōTERRA, Creative Associates, FL Smith, dōTERRA, CalCity Industrial Park LLC, Crown Iron Works, Edvard, Austin, Nobel- Systems, North Coast Communications, Komatsu, JP Morgan, Minnesota Soybean Association сияқты 40-тан астам ірі компаниялар мен корпорациялардың басшылары қатысты. Сонымен қатар кездесуде Өзбекстан-Америка Сауда палатасының басшылығы, Ақ үй әкімшілігі және АҚШ Сауда министрлігінің сарапшылары да қатысты.

Іскерлік топ өкілдері Өзбекстанның Дүниежүзілік сауда ұйымына мүшелігі туралы АҚШ-пен келіссөздердің сәтті аяқталуын құптап, бұл үдеріс еліміздің халықаралық экономикалық байланыстарын одан әрі нығайтуға қызмет ететінін атап өтті.

Өз кезегінде, Америка компаниялары басшыларына Өзбекстан мен АҚШ арасындағы стратегиялық серіктестік қатынастарының даму динамикасы, Өзбекстанда шетелдік инвесторлар үшін жасалған кең мүмкіндіктер, жаңа бірлескен жоба бастамалары таныстырылды. Қатысушылар Өзбекстандағы реформалардың нәтижелерін, атап айтқанда, тау-кен өнеркәсібі, ақпараттық технологиялар мен телекоммуникациялар, ауыл шаруашылығы, машина жасау және агроөнеркәсіп кешені сияқты салалардағы жасалған мүмкіндіктерді жоғары бағалады.

Шара интерактивті түрде өткізілді: әр бір компанияның басшысымен өткен дөңгелек үстелде де, G2B келіссөздерінде де серіктестіктің болашағы жан-жақты талқыланды. Іскерлік топ өкілдері талқыланған жобаларды сәтті жүзеге асыру үдерісіне Өзбекстан үкіметі жан-жақты көмек көрсетуге толық дайын екеніне сендірді.

Дөңгелек үстелдің қорытындысы бойынша тараптар ынтымақтастықты нығайту бойынша келесі жылға арналған әрекеттер жоспарын әзірлеуге келісті, деп хабарлайды Инвестициялар, өнеркәсіп және сауда министрлігінің баспасөз қызметі.