Кездесуде тараптар Өзбекстан-Венгрия қарым-қатынастары аясында білім саласындағы ынтымақтастық маңызды орын алатынын атап өтті. «Елдеріміз жас ұрпақтарды бір-біріне достастыру үшін білім маңызды көпір», - деді Л. Tрочани.
Ректор Л. Трочани Карои Гашпар университетінде құрылуы жоспарланып отырған Орталық Азия зерттеу орталығында шетелдік студенттер қатарында халықаралық қатынастар мен саясаттану бағыттарында білім алуды қалайтын өзбекстандық студенттерді тартуды ұсынып, ол үшін Венгрия тарапынан, сонымен қатар, Венгрия үкіметінің «Stipendium Hungaricum» бағдарламасы аясында білім гранттарын бөлу мүмкін екенін айтты.
Бұл орталықта жоғары білім берумен қатар, ғылыми зерттеулер де жолға қойылуы, осы түрдегі орталық Еуропаның басқа елдерінде жоқ екенін айтты. Сондай-ақ, орталықта оқу үдерісін бастау 2024/2025 оқу жылынан жоспарланғанын хабарлады.
Айтуынша, энергетикалық құқы бойынша Карои Гашпар университетінде жаңа білім беру бағдарламасы іске қосылғаны, оған шетелдік студенттер де қатыса алатыны атап өтілді. Өзбекстаннан келген студенттер оқуға өтініш бере алады. Энергетика құқығы, атап айтқанда, саланы құқықтық реттеу мәселелері қазіргі уақытта тек Еуропа аймағында ғана емес, бүкіл әлемде өзекті.
Министрдің бірінші орынбасары К. Каримов Будапешттегі Карои Гашпар университетінде Өзбекстанның мәдениетін, тілін, әдебиеті мен тарихын көрсететін «Өзбекстан бұрышын» ұйымдастыруды ұсынды.Ұсынысты ректор Л. Tрочани қолдап-қуаттады.
Сонымен қатар, министрдің бірінші орынбасары келесі жылы Өзбекстан мен Венгрия ректорларының үшінші форумын Өзбекстанда өткізуді ұсынды.
Ақпарат үшін, Өзбекстан және Венгрия ректорларының бірінші форумы 2021 жылдың 21-23 июнь күндері Ташкент, Самарқант және Бұхара қалаларында, ал екінші форумы 2023 жылы 18-19 май күндері Венгрия астанасы Будапешт қаласында өткен болатын.
Қонақтың Өзбекстанға сапары барысында Самарқант пен Ташкенттегі бірқатар ЖОО-ның ректорларымен де кездесулері жоспарланған, деп хабарлайды Жоғары білім, ғылым және инновациялар министрлігінің баспасөз қызметі.
