Бұл туралы «Дунё» ақпарат агенттігі хабарлады.

Бұл мультимодальды маршруттың ашылуы «Орталық Азия – Қытай», «Қытай – Еуропа» бағыттарына апаратын жолдарды диверсификациялау және «Орта дәліз» транзиттік мүмкіндіктерін дамытуға бағытталғаны атап өтілді.

Ағымдағы жылдың 15 октябрь күні Қашқар қаласынан 7 көлік осы бағыт бойынша қозғала бастады. Автомобильдер 21 октябрь күні Өзбекстанға және 24 октябрь күні Түркіменстанға жетіп келеді деп жоспарланған. Жүктің бір бөлігі Түркіменстаннан Әзербайжанға жеткізіледі.

Шараға қатысқан Қытай Транспорт министрлігі Транспорт қызметтері департаментінің директоры Сай Туансзенің айтуынша, «Қытай-Қырғызстан-Өзбекстан-Түркіменстан» мультимодальды көлік бағыты Орталық Азия елдері мен Қытай мемлекеті басшыларының өзара ынтымақтастықты дамытуға деген ерік-жігерінің белгісі.

Транзиттік бағыт барлық қатысушы елдердің экономикалық дамуына, өзара жүк тасымалы көлемінің өсуіне, «Бір мекен, бір жол» бастамасын жүзеге асыруға оң әсерін тигізеді.

Бұл бағыт тек Еуропа ғана емес, сонымен қатар Оңтүстік Азия мен Таяу Шығыс базарына да шығуға мүмкіндік береді.