Шараның ашылу салтанатында Біріккен Ұлттар Ұйымының Бас хатшысы Антониу Гутерриш, БҰҰ Бас Ассамблеясының Төрағасы Анналена Бербок, БҰҰ-ның Адам құқықтары жөніндегі Жоғарғы комиссары Фолькер Тюрк, сондай-ақ мемлекет басшылары, сыртқы істер министрлері және БҰҰ-ға мүше мемлекеттердің делегация басшылары сөз сөйледі.
Өзбекстан Республикасы делегациясының басшысы өз сөзінде адам құқықтары мен еркіндіктерін қамтамасыз ету және қорғау саласындағы «Жаңа Өзбекстан» концепциясын ұсынды. Еліміздің өкілі Өзбекстанның БҰҰ Жарғысының қағидаттарына, сондай-ақ жаһандық сын-қатерлер жағдайында халықаралық ынтымақтастық пен бірлікті нығайтуға адалдығы өзгермейтінін атап өтті.
Елде Өзбекстан Республикасының Президенті Шавкат Мирзияевтың басшылығымен жүйелі реформалар жүзеге асырылып жатқаны айтылды. Жаңартылған «Өзбекстан – 2030» стратегиясы Тұрақты даму мақсаттарына қол жеткізу бойынша ұлттық «жол картасы» ретінде қарастырылып, әлеуметтік әділеттілікті қамтамасыз етуге, заң үстемдігін нығайтуға және халықтың өмір сүру сапасын арттыруға бағытталған.
Сонымен қатар 2026–2030 жылдарға арналған Адам құқықтары жөніндегі екінші Ұлттық стратегия жобасы дайындалып жатқаны, сондай-ақ БҰҰ-ның Дүниежүзілік бағдарламасының Бесінші кезеңі аясында Адам құқықтары саласындағы білім беру бойынша Ұлттық бағдарлама әзірленіп жатқанын мәлімдеді .
БҰҰ Бас хатшысының «UN-80» бастамасы және БҰҰ Жоғарғы комиссарының Адам құқықтары жөніндегі жаһандық альянс құру туралы ұсынысы қолдау тапқаны ерекше атап өтілді.
Өзбекстан 2026 жылы Адам құқықтары жөніндегі халықаралық пактілердің 60 жылдығына арналған Адам құқықтары жөніндегі бесінші Самарқант форумын және Жас парламентарийлердің жаһандық конференциясын өткізеді.
Ақпарат үшін: БҰҰ Адам құқықтары жөніндегі кеңесінің кезекті 61-сессиясы 2026 жылғы 23 ақпанда ашылды. Сессия жұмысына 100-ден астам мемлекеттің өкілдері қатысуда. Күн тәртібіне 29 интербелсенді диалог, цифрлық технологиялар мен Дурбан декларациясының бір жылдығына арналған тақырыптық жалпы отырыстар, сондай-ақ жекелеген елдер мен өңірлердегі жағдайларды талқылау мәселелері енгізілген. Сессия жұмысы 2026 жылғы 31 наурызға дейін жалғасады.
Өзбекстан Республикасының Адам құқықтары жөніндегі ұлттық орталығының баспасөз қызметі.
