Бүгінгі таңда Қарақалпақстан Республикасы аумағында жалпы 389 бағыт ұйымдастырылып, 140 кәсіпорынның 2522 автокөлік құралы халыққа қызмет көрсетіп келеді. Аталған бағыттардың 34-і қала ішінде, 329-ы қала маңындағы және 26-сы қалааралық бағыттарға бағытталған. Нөкіс қаласында 29 шағын автобус және 5 автобус бағыты бар. Автобус бағыттарының 5-еуінде брутто-шарт негізінде 61 автобус қызмет көрсетеді. 2026 жылғы қаңтар-қыркүйек айлары аралығында брутто-шарт негізінде қатынайтын автобустармен 1 миллион 800 мыңнан астам жолаушы тасымалданды. Кәсіпорындарға бюджет қаражаты есебінен 11,6 миллиард сум төленді.
Ағымдағы жылдың қаңтар-қыркүйек айлары аралығында жалпы 70 автобус сатып алынды. Соның 56-сы брутто-шарты талаптарына сай келетін автобустар. Бұдан бөлек, «Sapsan Trans Nukus» ЖШҚ тарапынан Қытай Халық Республикасынан жыл соңына дейін 54 заманауи электробус әкелу жоспарланған.
Брутто-шарты талаптарына сай келетін автобустардың ішінде «Sapsan Trans Nukus» ЖШҚ 12 дана электробус, «Файз авангард» ЖШҚ 32 автобус және «Mangit Лесторг» ЖШҚ 12 автобус әкелді. 2025 жылы барысында 16 автобус пен 83 шағын автобус сатып алынған.
Сонымен қатар Еуропа тіктелу және даму банкі тарапынан бөлінетін несие қаражаты есебінен Нөкіс қаласы үшін 112 электробус сатып алу жобасы жүзеге асырылуда. Осы жоба аясында заманауи электробустарға арналған депо салу жоспарланып, Нөкіс қаласындағы «Жанабазар» азаматтардың өзін-өзі басқару органы аумағынан 8,6 гектар жер бөлінді.
Қазіргі уақытта Транспорт министрлігі қасында 100 пайыз мемлекеттік үлеске ие электробустарды пайдаланатын кәсіпорын құрылуда.
Нөкіс қаласының Бас жоспар негізінде, 20 бағыт бойынша 234 автобустың қатынауын жолға қою көзделген. Сондай-ақ брутто-келісімшарты негізінде жұмыс істейтін бағыттар желісін агломерация аумағында кеңейту арқылы Хожелі, Тақиятас және Нөкіс аудандары да қамтылады. Нәтижесінде агломерация аумағындағы 30-дан астам махалла қосымша қоғамдық көлік қызметтерімен қамтамасыз етіледі.
Сонымен бірге автобус бағыттары толық іске қосылғаннан кейін қала ішінде қызмет көрсетіп жүрген шағын автобустар мен ескі автобустар кезең-кезеңімен қала айналасындағы және аудан аумақтарына ауыстырылады.
Бүгінгі таңда Қарақалпақстан Республикасында 5 автовокзал, 17 автостанция және 1395 аралық автобус аялдамасы бар. Ағымдағы жылдың қаңтар-қыркүйек айлары аралығында Тақиятас ауданында жаңа автостанция салынды, сондай-ақ Нөкіс қаласындағы Орталық автовокзал толықтай қайта жаңғыртылды.
Қысқасы, қоғамдық көлік саласын одан әрі дамытып, көлік қатынасының үздіксіз жұмыс істеуін қамтамасыз ету бағытындағы жұмыстарды жүйелі түрде жалғастырамыз.
Бахитбой Сейтмуратов,
Қарақалпақстан Республикасының Транспорт министрі.
