Кездесуде елімізде жоғары технологиялы өнеркәсіп кәсіпорындарын құруға белсенді инвестиция салып келе жатқан АҚШ-тың осы компаниясымен өзара тиімді ынтымақтастықты одан әрі кеңейту мәселелері қаралды.
«Air Products» өнеркәсіптік газдарды өндіру және жеткізу саласындағы әлемдегі жетекші компаниялардың бірі болып саналады. Компанияның нарықтық капиталдандыру көлемі 60 миллиард доллардан асады. Ол жыл сайын әлемнің 50-ден астам елінде 200 миллион тоннадан астам өнеркәсіптік газ өндіріп, шамамен 750 өндірістік нысанды қамтитын желіні басқарады.
Қазіргі уақытта компанияның Өзбекстанға бағыттаған инвестицияларының жалпы көлемі 1 миллиард доллардан асты. Атап айтқанда, «GTL Uzbekistan» зауытында өнеркәсіптік газдарды қайта өңдеу, Ферғана мұнай өңдеу зауытында сутегі өндіру, сондай-ақ «Науаиазот» акционерлік қоғамында сұйық көмірқышқыл газын өндіру жобалары жүзеге асырылды. Сонымен қатар Ташкент және Қаршы қалаларында білім беру бағдарламалары іске қосылған.
Кездесу соңында компанияның қатысуымен жаңа жобаларды жүзеге асыруды арнайы «жол картасы» негізінде жеделдету жөнінде келісімге қол жеткізілді.
