Аталған технопарк 400 гектар аумақта құрылып жатыр. Бірінші кезеңде 9 жоба бойынша жұмыстар басталған болса, енді екінші кезең аясында тағы 5 жоба жасақталған.
Атап айтқанда, «Longze Investment Group» компаниясымен бірлесе отырып қауіпсіздік және медицина техникаларын, «Foxit» компаниясымен ноутбук, планшет, сервер, роутер сынды заманауи өнімдерді өндіру көзделіп отыр. Сонымен қатар былғары және спорт аяқ киімдері, құрылыс материалдары, фарфор ыдыстары мен химиялық өнімдерге қатысты жобалар жоспарланған.
Бұл жобалардың жалпы құны шамамен 250 миллион долларды құрайды және олардың негізінде жоғары қосымша құны бар тауарлар өндірілмек. Дайын өнімдердің шамамен 70 пайызы сыртқы нарыққа бағытталады.
Жызақ облысында шетелдік инвестициялар көлемі жыл сайын артып келеді. 2018 жылы облысқа небәрі 18 миллион доллар шетелдік инвестиция тартылған болса, өткен жылы бұл көрсеткіш 1 миллиард доллардан асты. Соңғы сегіз жылда өңірге 3,7 миллиард доллар көлемінде инвестиция салынған.
Нәтижесінде 4 мыңнан астам өнеркәсіп кәсіпорны іске қосылып, шетел капиталы қатысқан кәсіпорындар саны 260-тан асты.
