2021 йил 1 январдан бошлаб «АТТО» оператори томонидан тақдим этиладиган имтиёзли (талаба, ижтимоий, ўқувчи) транспорт карталарини Тошкент шаҳридаги 70 та ойлик йўл чипталари сотиш шаҳобчаларидан, керакли ҳужжатларни тақдим этган ҳолда, фақатгина танлаган тариф учун тўловни амалга ошириб, имтиёзли транспорт карталарини бепул қабул қилиш мумкин.

Эслатиб ўтамиз, январь ойидан сотувга чиқариладиган электрон ойлик йўл чипталари, йўловчиларга ноқулайлик туғдирмаслик мақсадида, 2021 йил январь ойи учун автоматик тарзда 30 кунлик тарифлар билан тақдим этилади.