Испаниянинг "Мальорка" футбол клуби бош мураббийи Висенте Морено Ла Лиганинг 28-тур доирасидаги "Барселона" билан ўйин ҳақида ўз фикрларини билдирара экан, Барселонага қарши "янги Месси" ёки "мексикалик Месси" деб аталадиган 16 ёшли Лука Ромеро майдонга тушиши мумкинлигини айтди.

— Aгар Ла Лига ҳал қилинса ва ҳеч қандай муаммо бўлмаса, Лука Ромеро дебют қилиши мумкин. Мен унда улкан иқтидорни кўряпман. Луканинг келажаги бор, — деди Морено.

Лука Ромеро Мексикада туғилган, аммо Aргентина фуқаролигини олган. У Aргентина U-17 терма жамоаси сафида 1 марта майдонга тушган.