Халқаро тадқиқотчилар жамоаси Ернинг айланиш ўқи 1993 ва 2010 йиллар оралиғида тахминан 78,48 сантиметрга силжиганини аниқлади. Бу қисман суғориш ва ичимлик суви учун ер ости сувларини олиш билан боғлиқ. Тадқиқот Geophysical Research Letters журналида чоп этилган.
Иқлим модели ҳисоб-китобларига кўра, бу даврда (1993 – 2010) ер ости сувларининг умумий камайиши 2150 гигатоннага етди. Бу денгиз сатҳининг 6,24 миллиметрга кўтарилишига тенг.
Тадқиқотнинг бош муаллифи, Сеул миллий университетининг геофизиги Со Ки Вон ер ости сувларининг қайта тақсимланиши ҳозирда бошқа иқлим омилларига нисбатан қутб силжишига энг катта таъсир кўрсатаётганини тушунтирди.
Со Ернинг айланиш қутбларидаги ўзгаришларни кузатиш орқали сув захираларининг қитъа миқёсида қандай ўзгаришини тушуниш мумкинлигини тушунтирди. Ушбу маълумотлардан фойдаланган ҳолда экологлар ва сув ресурслари менежерлари денгиз сатҳининг кўтарилишини ва бошқа иқлим таъсирларини чеклаш чораларини ишлаб чиқишлари мумкин, деб хабар берди naked-science.ru.
