Янги ўқув йилида иқтидорли талабалар учун жами 776 та Президент ва номли давлат стипендияси ажратилади.
Олий таълим, фан ва инновациялар вазирлигининг 2026 йил 15 июльдаги 02/10-5795-сонли хати билан 2026/2027-ўқув йили учун республикадаги олий таълим муассасалари ва таълим йўналишлари кесимида давлат стипендиялари квоталари тасдиқланди.
Унга кўра, янги ўқув йили учун жами 776 та давлат стипендияси ажратилди.
Стипендиялар қуйидагича тақсимланган:
– Президент стипендияси — 187 та;
– Ислом Каримов стипендияси — 194 та;
– Навоий стипендияси — 175 та;
– Бобур стипендияси — 51 та;
– Имом ал-Бухорий стипендияси — 44 та;
– Беруний стипендияси — 38 та;
– Ибн Сино стипендияси — 33 та;
– Абдулла Авлоний стипендияси — 16 та;
– Улуғбек стипендияси — 13 та;
– Тўлепберген Қаипбергенов стипендияси — 11 та;
– Ибройим Юсупов стипендияси — 11 та;
– Паҳлавон Маҳмуд стипендияси — 3 та.
Маълумот учун, мазкур стипендиялар республика бўйича юқори босқичларда таҳсил олаётган 335 минг 471 нафар талаба орасидан ўқишдаги юқори натижалари, илмий ва жамоатчилик фаолияти билан ажралиб турган энг муносиб номзодларга берилади.
