“Бахт жалойир” тикувчилик корхонаси ишга туширилиши натижасида 400 нафар ишсиз фуқаролар, жумладан, хотин-қизлар иш билан таъминланди. Эндиликда улар ўз меҳнатлари билан оилалари моддий фаровонлигини таъминлаш, турмуш даражасини ошириш имкониятига эга бўлишади.
Тадбирда туман ҳокими Ф.Умаров ҳамда кенг жамоатчилик, маҳалла аҳли иштирок этди. Тадбир муносабати билан ёзилган байрам дастурхонига Наврўзи олам айёмининг шоҳ таомларидан сумалак, халиса, кўксомсалар тортилди.
