Абитуриентлар томонидан телефон рақами йўқолганлиги, телефон рақами ишдан чиққанлиги ёки шахсий кабинетга кириш паролини унутиб қўйганлиги бўйича кўплаб мурожаатлар келиб тушмоқда.
Давлат тест маркази томонидан мазкур мурожаатлар инобатга олинган ҳолда, abitur.dtm.uz сайти орқали “Абитуриент рухсатномаси (https://t.me/rasmiydtm/2522)”ни юклаб олиш учун қўшимча имконият яратилди.
Энди «Абитуриент рухсатномаси»ни шахсий кабинетга кирмасдан ҳам олиш мумкин. Бошқача қилиб айтганда, рухсатнома олиш учун телефон рақам ва пароль шарт эмас.
Бунда абитуриент рухсатномасини юклаб олиш учун https://abitur.dtm.uz/allow саҳифасига ўтиб, қуйидаги маълумотлар киритилади:
- паспорт серияси;
- паспорт рақами;
- жисмоний шахснинг шахсий идентификация рақами (ЖШШИР).
