Масалан, “Бунёдкор” тарбияланувчиси Абубакр Мўйдинов шу пайтгача Португалиянинг иккинчи лигаси ҳисобланмиш сегунда лига клуби “Лейшойнш”да ўйнаётган эди. Яқинда у эркин агент сифатида Эстония олий лигасининг “Тулевик” клубига кўчиб ўтди.
2000 йилда таваллуд топган футболчимиз янги жамоаси билан жорий йил якунига қадар битим имзолади.
Чап қанот ҳимоячиси бўлган Абубакр “Лейшойнш”га ўтгунга қадар БААнинг “Ал Наср” жамоасида тўр сурган.
20 ёшли футболчининг Transfermarkt.de порталида кўрсатилган нархи 50 минг еврони ташкил этади.
