Мазкур танловнинг "Йилнинг энг яхши спортчи-талабаси" номинациясида Ўзбекистон давлат жисмоний тарбия ва спорт университети Кўпкураш факультети талабаси Акбар Жўраев биринчи ўринга муносиб деб топилди.
Акбар Жўраев 2021 йилда Токио-2020 ёзги Олимпия ўйинлари ва жаҳон чемпионлигини қўлга киритган. Спортчи Олимпиада ва Тошкентда ўтказилган Жаҳон чемпионати рекордларини янгилади. Шунингдек, у мамлакатимизда 2021 йил якунларига кўра, "Йилнинг энг яхши спортчиси" деб топилган.
