Улуғ мутафаккир, сўз мулкининг султони Алишер Навоийнинг бой маънавий мероси асрлар оша бутун башариятни ҳайратга солиб, инсонлар қалбига, онгу шуурига эзгулик, инсонпарварлик, саховат, меҳр-мурувват зиёсини таратиб келмоқда. Мамлакатимизда улуғ бобокалонимизга эҳтиром кўрсатиш, асарларини ўрганиш, уни дунёда кенг тарғиб этишга доимий эътибор қаратилмоқда.
Бугун мухташам Адиблар хиёбони кенг жамоатчилик вакиллари билан гавжум бўлди. Турли мутасадди ташкилотлар қатори Давлат экология қўмитаси раҳбарияти, ходимлари ҳам ушбу тантанали тадбирда иштирок этиб, буюк аллома, ўзбек адабий тили асосчиси Алишер Навоий ҳайкали пойига гулчамбар қўйдилар, деб ёзмоқда қўмитанинг матбуот хизмати
