Вилоят ФВБ маълумотига кўра, 26 апрель куни аттракционлардан бирининг темир конструкциясида носозлик юзага келиб, занжири узилиб кетган ва қурилма қулаб тушган.
Оқибатда 2 нафар фуқаро енгил тан жароҳати олган, уларга зарур тиббий ёрдам кўрсатилган.
Ижтимоий тармоқларда ҳодисадан сўнг аттракцион қисмлари ерга сочилиб ётгани акс этган видеолар тарқалди. Айрим тасдиқланмаган хабарларда жабрланганлар сони кўпроқ экани айтилмоқда.
Ҳодиса сабаблари бўйича расмий маълумот ҳозирча очиқланмади.
