Бу ҳақида жамғарманинг расмий Telegram-каналида хабар берилди.
Маълум бўлишича, Муҳаммадюсуф Фахриддинов «Stony Brook» университетида компьютер технологиялари ва информатика йўналиши бўйича бакалавриатнинг 4-босқичида таҳсил олаётган бўлган.
У ўзининг мақсадга интилиши, юқори тайёргарлиги ва танлаган соҳасига садоқати билан ажралиб турган ҳамда жамғарманинг намунавий стипендиатларидан бири сифатида эътироф этилган.
Маълум қилинишича, жамғарма Ташқи ишлар вазирлиги ва консуллик идоралари билан ҳамкорликда ҳолат юзасидан барча маълумотларни аниқлаш ишларини олиб бормоқда.
Марҳумнинг жасадини Ватанга олиб келиш билан боғлиқ ташкилий ишлар ҳам жамғарма назоратида бўлиб, тегишли идоралар билан ҳамкорликда амалга оширилиши кутилмоқда.
